Papiamentu
CCAF
CCAF ta promové kalidat di kuido na hende ku enfermedat mental serio i nan famianan ku un enfoke riba outonomia, inklushon i partisipashon. CCAF ta realisá ouditoria interkolegial ku eskalanan di fidelidat di modelo na nivel di intervenshon, tim, organisashon i ret i ta ofresé instrumento di evaluashon (propio) na benefisio di e siklo interno di mehorashon di kalidat.
For di prinsipio, CCAF a konsentrá su mes na organisá bon kuido dirigí riba bario. E eskalanan di fidelidat di e modelo di ACT i e modelo Hulandes di FACT tabata e promé instrumentonan ku CCAF a bai traha kuné. Tin tradukshon pa e eskala di fidelidat di modelo di FACT i pa produktonan relashoná ku esaki.
ACT i FACT
E modelo originalmente Merikanu Assertive Community Treatment ta karakterisá su mes pa un forma di traha ‘outreach’ multidisiplinario hopi intensivo. E tim multidisiplinario ta reparti tur kasonan entre nan i tin un relashon ku kantidat abou di kliente pa dunadó di yudansa (10:1). E modelo Hulandes Flexible ACT ta kombiná e forsa ei di ACT ku maneho di kaso kompartí. FACT ta ofresé den ún tim e posibilidat pa oumento i redukshon di intensidat di kuido durante krísis, durante tratamentu i durante e proseso di rekuperashon pa tur hende ku un enfermedat mental serio. En kambio, ACT ta dirigí su mes riba e 20% di esnan mas malu. Ku ACT i FACT, timnan ta asumí responsabilidat total pa tur forma di kuido pa hendenan den e grupo di enfoke den un bario òf un region chikitu.
Tin tim di FACT na Hulanda (>300), Noruega, Dinamarka, Suesia, Irlanda, Inglatera, Boneiru, Aruba, Bèlgika, Chekia, Moldavia i Canada. Pa pone kalidat di kuido na e nivel deseá i pa sigui kumpli ku kambio riba tereno di GGZ i pafó di esei, na 2017 a remplasá e eskala di akreditashon original di 2008.
Produktonan
Mehorashon di kalidat ta konserní e trabou di trahadó individual, tim i ret di kuido. Por akudí na CCAF pa instrumento, informashon adishonal i prosedura pa mehorá kalidat di kuido den organisashonnan di GGZ òf na munisipio.
Eskalanan di fidelidat di modelo di CCAF:
Produktonan di sosten: